|
پ.ك.ك، بوتون سوروملو اؤلكه‌لرین اورتاق دوشمنی 
آمریكا بیرلشیك دولتلری كنگره‌سینده، توركیه‌یه ترور اؤرگوتو پ.ك.ك ایله مباریزه‌سینده دستك وئرن بیر تاساری سونولدو.
آمریكا بیرلشیك دولتلری دیش ایشلری باخانی هیلاری
كلینتونون توركیه سفرینه دنك گلن سورجده آمریكا سناتوسونون اؤنده گلن ٤
سناتورو طرفیندن سونولان تاساریدا ترور اؤرگوتو پ.ك.ك قیناندی. سناتورلار
جون مك‌كین، جو لیبرمان، جئین شاهن و ماركو روبیونون سوندوغو تاساریدا،
ترور اؤرگوتو ایله مباریزه‌سینده توركیه ایله دایانیشما ایچینده اولوندوغو
قید ائدیلدی. تاساریدا، ترور اؤرگوتو پ.ك.ك‌نین، یالنیز توركیه و آمریكانین
دئییل بوتون سوروملو اؤلكه‌لرین اورتاق دوشمنی اولدوغو قید ائدیلدی.
آمریكا سناتوسونداكی تاساری، ترور اؤرگوتو پ.ك.ك‌نین سلاح بوراخماسی،
باریشجیل دیالوقا گیرمه‌سی و پ.ك.ك تهدیدینه قارشی، ترور اؤرگوتونون
آوروپا‌داكی مالی شبكه‌لری ده داخیل اولماقلا، استخبارات و ترورلا مباریزه
ایش‌بیرلیگینین آرتیریلماسی چاغریسینی قاپساییر. آمریكان سناتینا سونولان
تاسارینین دقت چئكیجی بیر باشقا بؤلومو، آوروپا بیرلیگی اؤلكه‌لری‌نین ترور
تشكیلاتینا قارشی عاجیل تدبیر آلمالاری چاغیریسی ایچرمه‌سی. تاساریدا،
ترور اؤرگوتو پ.ك.ك ایله ایلگیلی تلویزیون كانال‌لارینا اجازه وئردیك‌لری
سببیله نروژ، ایسوئچ و دانمارك ائلشدیریلیر. ٤ آمریكا‌لی سناتور طرفیندن
سونولان تاساریدا، باش باخان رجب طب اردوغان حكومتی‌نین، ترور اؤرگوتونجه
سوء استعمال ائدیلن كوردلرین آجی‌لارینی چؤزمه‌ده تاریخی آددیم‌لار
آتدیغینا وورغو ائدیلیر.
+ گؤنده ریلیب جمعه 19 خرداد 1391
ساعت 12:46 یازار سولدوز خبر
| 0اؤنر
|
