گؤزون آیدین آنا توپراق، بو قان سنین اوچوندور آنجاق، آند اولسون قانلی كؤكسونه، بو قان یئرده قالمایاجاق
سولدوزدان الیمیزه چاتان خبرلره، اساسن، شهید "داریوش
طباخی"نین یاس تؤره نی، 85 خوردادیندا شهید اولان ایگیدلرین ایل دؤنومو
ایله بیر گونده، یعنی خوردادین دؤردونده (4/3/1391)، پنجشنبه گونو، ساعات
دؤردده، سولدوز شهرینین مزارلیغیندا، كئچیرله جك.
بو گون (27/2/1391) آذربایجان اوچون چیرپینان بیر اورك داها دایاندی. 85
خورداد اولایلاریندا ساچما قورشونو ایله بیر گؤزونو الدن وئرن "داریوش
طباخی"، ائله او قورشون ندنی ایله سونسوزلوغا قوووشوب، وطن اوغروندا
شهیدلیك مقامینا اردی.
بیلدیگینیز كیمی 85 خورداد اولایلاریندا، میللتین قیامی اوزهره، دؤولت،
فارس شوووینیزمینی دستكلهییب، ایران ژورنالینی قاپاتماق یئرینه میللته
سالدیریب، سوسدورماغا چالیشدی. سونوچ اولاراق نئچه مین اینسان توتوقلانیب
اونلار ایگید شهید اولدو. سولدوزدا رسمی قایناقلارا گؤره، دؤرد نفر
فرمانداری اؤنونده، امنیتی گوجلر طرفیندن دوزنلهنن سالدیریدا شهید اولوب،
یوزلرجه اینسان یارالانمیشدی. دؤرد شهیددن اوچو سولدوز شهرینده، او بیری
ایسه محمدیار شهرینده، تورپاغا وئریلدی. بو اولایلارلا بئله، راضیلاشمایان
فارس شووینیزمی و اؤزگه بالتاسینا ساپ اولانلار، شهرده آغیر امنیتی فضا
یارادیب، یارالیلارین خسته خانایا موراجعت ائتمه سینه ایمكان وئرمهمیشلر.
ائله بو ندنله داریوش خسته خانایا گئده بیلمهدیگینه گؤره، بیر گؤزونو الدن
وئریر. سونرالار، دوقتورلارین گؤزلریندن گیزلین قالان قورشون، داریوشون
بئینیده آغیر خستهلیك یارادیب، اونو بیزدن آییردی.
زینداندا اولان شهید آتاسی، اكبر علی فتحی پور، اوغلونون یانیندا،
اؤزونه آلدیغی مزاری داریوشا باغیشلادیغینا گؤره، سولدوز شهرینده اولان
توپلو شهید مزارلارین ساییسی، دؤرده آرتدی.
سولدوزدان الیمیزه چاتان خبرلره، اساسن، شهید "داریوش طباخی"نین یاس
تؤره نی، 85 خوردادیندا شهید اولان ایگیدلرین ایل دؤنومو ایله بیر گونده،
یعنی خوردادین دؤردونده (4/3/1391)، پنجشنبه گونو، ساعات دؤردده، سولدوز
شهرینین مزارلیغیندا، كئچیرله جك.
م.ر
+ گؤنده ریلیب یکشنبه 31 اردیبهشت 1391
ساعت 01:21 یازار سولدوز خبر
| 0اؤنر
|